'n Warm, Nat en Opwindende Dag.

My ouers is nou al vir 'n week of wat terug in S.A. en die heerlike onvergeetlike vakansie is al verby,- maar ek het nog 'n paar herinneringe wat ek graag sal wil deel.

Op ons lysie van moet doen dinge was natuurlik die waterpark van Dreamland in Umm Al Quwain.

Dit was baie warm -glo my as ek dit se, maar ons het met 'n baie goeie gesindheid gegaan en selfs die lang rit oppad daarna toe het ons nie onder gekry nie. Ons het amper 2 en 'n half uur aan minder as 40 km gery, want hierdie Dubai en Sharjah is een groot bou "site", en nie eers die gps kan by al die pad veranderings bly nie.

Die water was 'n absolute lafenis, en daar het die heerlikste windjie gewaai, so die tempratuur was toe nie regtig so erg warm nie.

Dit was nie net ons kleinman wat homself geniet het nie...Ons elkeen oud of jonk, het verby alles gekyk en weer soos kindertjies onsself geniet. (natuurlik was Boeta ons ingangskaartjie na 'n paar plekke toe, want in hierdie swembad met die emmer word net mense wat toesig hou oor hul kindertjies toegelaat, en ons moes almal seker maak dat boeta homself geniet -He he he)

Hierdie emmer water val nogal met 'n woeste vors, maar hy het nog nie eers klaar geval nie dan skree ons kleinman weer, ek wil dit weer he!!

Daar was nie 'n ding wat ons nie gedoen het nie, die manne ons 2 girls en moet nie vir ons kleinman vergeet nie. (daar was 4 dinge wat die lifegards hom nie toegelaat het om te doen nie, en dan moes ons baie mooi verduidelik het hoekom hy nie hierdie spesifieke ding kon doen nie.) Maar soos julle kan sien het hy tot in hierdie ride geklim en dit saam met die manne gery.Ek moet se, die park is in 'n baie netjiese en goeie toestand.Daar is reels en hulle is nogal streng daarop, maar dit is goed want dit maak dat ons die dag kon geniet het sonder dat daar iemand is wat seer gekry het of 'n mens gepla het. Ek moet egter byvoeg daar was nie so baie mense nie - maar sekerlik was dit omdat dit somer is, hier gebeur alles mos in die winter... Snaaks ek weet, want gewoonlik in 'n gewone land is dit anders om - of hoe?

Na die heerlike dag met sy baie avonture en exitement, was dit tyd dat ons dag besoekers die park moes verlaat het, met moee stywe lyfies, loop ons na ons tjorrietjie toe, ons besluit toe dat ons sommer voordat ons die lang pad huistoe vat, net soos die local mense hier rond gaan maak...

(ons ry altyd met ons piekniek mat in die kar rond saam met kamp stoele, sodat ons soort van voorbereid kan wees vir daardie impelsiewe besluit so nou en dan.)

Hulle piekniek net waar hulle wil en soos hulle voel, en dit is nou een ding wat ons sommer gou-gou van hulle kultuur deel van ons gemaak het....

Ons besluit toe dat dit 'n goeie idee is om sommer net daar in die parkeer area ons piekniek goed uit te haal en gou daar te sit en eet - sodoende is boeta se magie vol want die langpad gaan verseker sy ogies toetrek, dan is die magie darm gevoed. (Daar is darm gras gewees om op te sit ook, maar die was sopnat besproei, en 'n paar groepe mense het die parkeerarea gebruik)

Ek moet se dit was 'n ongelooflike lekker dag, en ons sal beslis weer so maak.

Ons gaan loer in by die Emirates Paleis.

Ons het so bietjie gaan inloer by die Emirates paleis.

Ons ry op 'n weeklikse basis nou al vir meer as 'n jaar verby die grote plek en wonder altyd hoe dit daar lyk. Alhoewel mens nogal baie fotos van dit op die net kry, wil mens tog dit self te siene kry.

En glo my, dit is nie dieselfde op fotos as om dit self te beleef nie. Ek probeer met die paar fotos vir julle wys wat ons beleef het die dag.

Binne in die reuse plek, is daar natuurlik al hierdie 'brand name' winkeltjies, nou nie regtig baie nie, maar genoeg, en 'n hele paar eetplekkies. Wat ek probeer se is dat daar nie 'n tekort aan enige iets is nie.

Die goue afwerking van die paleis is selfs oorweldigend vir die kamera, en kan mens nie werklik die prentjie wat jy met jou oe sien op 'n kamera vasle nie.

Selfs die vloer is ongelooflik mooi met die marmer en dit lyk of daar goud insetsels is tussen die patrone.
Ons was baie braaf en het by een van die restaurante gaan koeldrank drink op die balkon buite, en om sommer na die swemstrand te kyk.
Ja dit was ongelooflik warm,- maar vir die uitsig wat ons gekry het was dit meer as die moeite werd.

Die strand lyk so sag met sy wit sand en die tuine met die groen gras en boompies doen dit vir 'n mens. Ek moet egter byvoeg dat ek baie bly is dat dit nie my werk is om die plek so mooi netjies te hou nie, want ek glo nie mens is lus vir tuinwerk in hierdie hitte nie.

Die boustyl van die land met sy koepel venster en deure, bly vir my mooi, en dit gee in sommige gevalle so lekker romantiese gevoel. Nog 'n ding van hierdie pragtige plek is dat daar nie nagelaat is om die detail te beklemtoon nie. Op elke plekkie, hoekie en draai is daar die ongelooflikste detail en afronding ingebring. Van die dak met die pragtige beligtig en patrone daarop tot op die vloer, die mure en dan vanselfsprekend die meubels. - Alles pas by alles en 'blend' oral in.

Selfs in die toilet het hulle waslappies waarmee jy jou hande afvee in plaas van die rol papier, en dan is hulle so oulik hulle vou dit nogals in die vorm van 'n kameel... ja dit is 'n kameel - ek het aanvanklik dit gesien as 'n olifant -maar nee ek was verkeerd.

Hierdie is 'n geweefde mat,-wat teen die muur hang. Ek het nou nie gaan lees en kyk hoe lank dit hulle geneem het om dit te weef nie, maar dit is werklik 'n meesterstuk van kuns.

Natuurlik moes my ma haar voete en hande in hierdie fontiene gaan nat maak, nie probeer vir 'n reen dans nie, want ons weet dit is iets wat nie sommer hierdie tyd van die jaar hier by ons sal gebeur nie, maar sy het wel 'n dans passie van vreugde met 'n lied in haar hart uitgevoer.

Om mee af te sluit, 'n stukkie musiek uit die paleis.

Dit is so ontspannend en rustig - ons kon vir ure sit en na hul luister.

Tyd Vlieg

Hoekom moet tyd altyd so gou verby gaan wanneer mens jouself geniet, en wanneer jy juis wil he dat dit net vir 'n wyle moet stil staan?

Met een van ons uitstappies Dubai toe het ons een aand nadat ons die Dubai mall deurgeloop het, by een van die uitgange op hierdie Souk afgekom. Dit is asemrowend mooi met die liggies en die water maak mens so rustig voel.

Die aand tempratuur was heerlik alhoewel mens op die foto hier onder kan sien dat daar redelik baie vog/humiditeit in die lug was. Deesdae wag die meeste van die mense maar vir die donker om toe te slaan want dan is dit darm meer leefbaar.Buite by die Souk is daar 'n water orrel soos ons dit ken. Ek kan nie onthou wanneer laas iets so moois ervaar het nie. Ek dink ek was nog 'n klein dogtertjie. Ene geval, dit was asemrowend pragtig. Ons was darm betyds om die laaste paar liedjies vir die aand te kon sien.

Mens kan jouself net bewonder in die kuns van so 'n projek, want dit is asof die water self die musiek sing, en met die arabiese musiek kan jy selfs in jou verbeelding een van daardie belly dancers sien dans en heupe rondgooi, want dit lyk kompleet asof die water met hul heupe dans en rondswaai.

Hierdie hele toneel van die souk, water en musiek speel af aan die voet van die Burj Dubai, en ek dink wanneer hy heeltemal klaar gebou gaan wees en al sy liggies ook brand, gaan dit sprokies mooi lyk. Soos ons verstaan is die beplanning sover nog om die Burj Dubai op die 09-09-2009 oop te maak.

Ons sal dan weer gaan kyk hoe hierdie toneel homself afspeel....

...Dit was 'n heerlike aand - dit is net baie jammer dat dit so gou verby gegaan het. Veral omdat ons onsself geniet het...

Die Aand van die Herdenking.

Die spesiale dag moet natuurlik gevier word, maar nie op 'n aledaagse manier nie.

Eers wou ons hulle op 'n Dhow(boot) laat vaar het, wat 'n ete insluit. Maar moederlief is nie baie mal oor seekos nie, en met die hitte en humiditeit in die aande, was dit in elk geval 'n minder goeie idee vir die tyd van die jaar.

Toe besluit ons dat die Tiara restaurant by die Marina Mall die regte plek is om die spesiale aand te vier.

Ons self was nog nie daar nie, so ons het nie regtig geweet wat hulle kan verwag nie.

Die Tiara restaurant is 126m hoog met ander woorde 55 verdiepings (volgens die kelnerin) en hy draai ook in die rondte, dit neem 'n hele 1 uur en 20 minute om 'n omwenteling te voltooi.

Natuurlik was ons nie saam nie, so ek vertel uit die twee verliefdes se mond uit.

Dit was 'n rustige atmosfeer, magical en met die stad se liggies ver onder jou en die oopte van die see aan die ander kant, met 'n paar bote se liggies wat hier en daar rond dobber.

Die kos was heerlik en soos julle kan sien was die kok baie artistiek met die voorlegging van sy uitsonderlike disse en souse.

Daar word geskenkies uit geruil waarvan een natuurlik 'n ring is, 'n ware simbool van ewige liefde.

En toe word die aand afgesluit met 'n herinnering wat vir die volgende 30 jaar onthou sal word.....

...Die rekening...

Alles was die moeite werd, maar my mamsie se spoeg het skoon opgedroog toe sy sien dat hulle 'n volle 90 Dirham vir 'n slaai van 'n paar gekleurde blare en 3 cherry tamaties moes betaal.

Ja, dit is om die minste te se - belaglik!

En nerens op die menu staan daar hoeveel die slaai kos nie.

Behalwe vir die "skok",

was die aand onvegeetlik!

Nadat ons weer hulle gaan oplaai het, het ons so bietjie rondgeloop in die mall, en daarna die aand afgesluit met 'n lekker glasie druiwesap!

Hiep Hiep Hoera!

Mag daar nog vele meer wees.

Dit is jul 30ste Huweliks herdenking!

Wanneer ons aan julle huwelik dink kom hierdie volgende

vers by ons op...

(1 Korintiërs 13: Vers 4 tot 7)

1 Korintiers dertien vers vier tot sewe,
woorde van liefde geskrywe, gegewe.
God wys ons hoe om daarna te strewe,
Wat’s reg en verkeerd in vandag se lewe.

Vers 4

Die liefde is geduldig vertel vers vier,
Nie oorhaastig soos ‘n angstige dier.
Dit is nie afgunstig op soeke na gier,
Geen grootpraat of verwaande manier.

Vers 5

Handel welvoeglik sonder eie belang,
Dis wat God’s liefde van jou verlang.
Wees nie liggeraak, volg net Sy gang,
Geen boek van kwaad wat om jou hang.

Vers 6

Liefde word nie bly oor onreg,
So wys vers ses ons op ons weg.
Verheug jou in waarheid dis eg,
Laat die lesse jou lewe deurvleg.

Vers 7

Liefde glo, hoop, verdra en bedek,
1 Korintiers dertien vers sewe sê so nie ons nie.

Julle huwelik is mooi, rein en vol liefde.

Julle is 'n baie mooi en goeie voorbeeld vir ons

en Dankie daarvoor.

Mag julle 'n baie mooi dag he, en mag daar nog meer as 30jaar van liefde en geluk in julle lewe saam wees.

Baie Baie Liefde

Ons 8! (+ Dine'tjie en Christiaan'tjie)

Mariette & Siegfried -Gerhard- Ockie & Mellisa- Jay- Dewald & Ilonka!

Aandjie uit, nagereg,merry-go-round en shop.

Manlief het dagskof gewerk, en dan ry ons nie deur die dag rond nie. Ons le maar laag by die huis, en wanneer hy by die huis kom vat ons die pad na 'n mall toe nadat ons geeet het, en dan eet ons sommer nagereg deur die aand by die winkels, of by 'n plekkie wat lyk of hulle iets lekkers het.

Hier het ons besluit dat 'n lekker BR(Baskin Robbins) roomys die ding gaan doen.

Mmmm- heerlik ne oupa en ouma!

Ons kleinman is nou op die staduim dat hy vir ons reels wil neerle. En volgens hom is die reel van hierdie spesifieke mall dat jy eers iets moet eet, dan mag jy gaan roller coaster ry in die speelpark en dan moet jy 'n krispy kreme doughnut daarna gaan eet.

Ons vat toe vir oupa en ouma vir 'n rit op die roller coaster. Eers baie braaf klim ouma op, maar toe die "trein" daardie eerste draai-op en toe af vat, toe klou ouma vir lewe en oorlewing! Die treintjie gaan 2 keer om, maar toe hy stop toe is hulle af en vra wat nog?

Ek vat toe vir oupa en ouma op 'n 4D trein. Dit is nogal 'scary' en ouma skree soos 'n dogtertjie in daardie simulator. En ek is pap van die lag, die trane loop van my gesig af soos ek hierdie mamsie van my dophou en om te sien hoe sy haarself daarin beleef. Dit was groot pret, maar daarna het die oues van dae genoeg gehad vir eers...

Daarna het ons maar nog bietjie gaan shop. Oupa en Ouma se 3de kleinkind kom oor 'n paar daggies, so ons moes eers vir die klien mensie 'n paar klere dingetjies gaan koop het. En ja, julle weet mos as vrouens eers begin met babagoed dan kan mens ure besig wees, maar kom ek vertel vir julle 'n geheim. -

Hierdie Oupa en kleinman van ons saam met my manlief, het net so lekker saam met ons geshop vir klein Zante. (hier is maar net 'n paar goedjies.)

Na die speelpark en die lekker shopping het ons die aand afgesluit met 'n lekker Krispy Kreme doughnut.

Ek het besluit om vir julle bietjie te wys hoe hulle hierdie ongelooflike lekker goed maak en so bietjie die proses daarvan met julle te deel (vir die wat dit nog nie gesien het nie).

Na die lekker aand uit was dit weer huistoe gaan tyd.

Ek moet se ons kry nie baie rus in nie want ons gaan slaap lekker laat in die aand of laat ek dit so stel, vroee oggend ure, en staan ook dan weer redelik vroeg op, sodat ons 'n nuwe dag vol avontuur en opwinding kan aanpak. Maar dit is 'n voorreg en ons is dankbaar daarvoor!

Window Shop in Dubai

Ons gaan wys ons mensies bietjie die voorstede en van die plekkies in Dubai -

Ons eerste stop is by Atlantis.

Ons het nie gaan swem nie, sal dit los vir 'n volgende geleentheid.

Ons besluit wel, dat ons met die nuwe Atlantis Metro gaan ry.

Terwyl ons wag by die kaartjie kantoor, kyk ons bietjie by 'n venster hoe die mense wat wel kans sien vir die son hulself gate uit geniet in die water. In die verte is die rides vir die meer brawes onder ons. Dit lyk heerlik en ons sal ook beslis 'n plan maak vir die lekkerte.

Uiteindelik kan ons die kaartjies koop, - jy koop dit sommer self en gebruik dan die kaartjie om deur die hekke te gaan.



Die Metro ry oor Palm Jumeirah. Dit is nogal baie mooi ,en mens kan vanuit die trein baie beter sien dat jy op die palm is, en hoe die villas daarop uitgele is. Dit is darm maar pragtig, en mens kan nie dink dat dit 'n mens-gemaakte eiland is nie. Die trein is nog mooi en nuut aan die binnekant en die gemak van die banke is heerlik.

Na die trein rit, moes ons so bietjie gewag het vir die bussie om ons te kom oplaai en 2km verder te gaan aflaai want die parkeerpark is 'n hele ent van daaraf. Terwyl ons wag vir die bussie, braai die son ons verder kierangkies. Gelukkig is ons goed gesmeer en gespyt met son beskerming.

Uiteindelik stop die bussie, maar ons moet maar ons trap ken om in te klim , want daar is 'n paar ander mense wat nog nooit van die woord maniere gehoor het nie, so ons moet ook maar van ons maniere vergeet en druk en stamp om 'n plekkie te kry. Dit is seker maar "son" koors wat maak dat mens van jou maniere vergeet, nie-te-min het ons dit nog steeds geniet.

Heerlik sit ons in die bussie wat tog te lekker koel is. Ons ry toe die bussie volgelaai is na ons motortjie toe, en van daaraf besluit ons om die souks te gaan besoek.

By die souk het ma nie geweet waar om te vat en waar om te los nie. Alles is mooi en die argitektuur van die souk self is prentjie mooi. Ons besluit toe om net met die oog te shop en dan op 'n later staduim weer terug te kom en 'n hele uitstappie daarvan te maak.

Buite die souk is daar 'n paar sit plekkies om die rustighied van die water en die pragtige tonele om die water in te neem.

Na die lekker rondloop by die souk besluit ons om ietsie by Fridays te gaan pik.

Die waiters is altyd vriendelik daar. En met hul oulike kleredrag maak dit die atmosfeer meer jolly!

Soos julle kan sien het Joel 'n soft toy of 2 op sy kruisbande gesit - heel cute.

Nadat ons ons gaatjies in die magies gevul het, is daar so 10 munite vir ontspan en ons sit vir oupa en ouma op 'n maseer stoel. Dit is hulle eerste keer op hierdie lekker stoele en oupa kan nie glo dat dit so lekker is nie. Hy soek net die mens wat agter die stoel wegkruip wat hom so lekker maseer.

En om die aand af te sluit, besluit ons om ons voetjies in die see te gaan natmaak en net die heerlike see briesie na die warm dag te gaan geniet.

En na 'n aangename dag en 'n heerlike afkoel is dit tyd dat ons die pad terug huistoe aanpak.