Tuesday, January 26, 2010

Lekker winters middag.

Boeta het besluit hy wil bietjie gaan trein ry, want ons was lanklaas by Khalifa Park, omdat hulle aan die park gewerk het en die helfte van die goed by die park gesluit was.


Hy kon glad nie wag nie, en hy het onmiddelik na die trein gehardloop, maar moes toe eers wag voordat hy kon inklim omdat dadda eers die kaartjies moes koop. En glo my, 'n paar minute se wag kan soos 'n paar ure voel. Na die lekker koue treinrit het ons in die park gaan speel, mens kan nie dink dat die windjie so koel kan raak nie, maar verstaan my nie verkeerd nie, ek moan glad nie daaroor nie dit is eintlik hemels. Ons geniet die koel dae en aande.



Die park was redelik vol gewees, maar dit is lekker, want dit is so spesiaal om al die mammas en pappas saam te sien speel en hardloop. En die kinders geniet dit vreeslik as die ouers so saam speel. Ek dink ook baie van hierdie nasie se ouers is self nog kinders en dit is hoekom van hulle so lekker saam speel en hardloop.

Nou ja, julle kan sien dat hier baie energie verbrand was, en dat die groot man van ons dit baie geniet het.

Die park se tuin is pragtig! Alles blom mooi en die gras en boompies is grasgroen, dit is so lekker op die oog, en verskaf waarlik 'n gevoel van ontspan.




Saam met die pragtige groen en kleur van die tuin is daar ook die mooiste liggies in die palmboom lanings, en in die paadjie af. Dit is so romanties.




Die fonteine spuit ook almal weer. En so met die son se ondergang is dit asemrowend mooi!



By die ingang van die park het hulle hierdie nuwe kaktus ligte ingebring, met die woestyn blomme. Dit skep ook 'n ander prentjie, en mens kan sien hier is baie moeite ingesit, en dat hulle regtig probeer om dit so pragtig as moontlik vir die hele gesin te probeer maak.



Dit was werklik 'n lekker uitstappie, en ons almal het dit baie geniet. Volgende keer bring ons ook 'n piekniek mandjie saam,- soos die ander dit hier doen. Nou dat ek daaraan dink, kan dit selfs 'n lekker plekkie uit maak vir Seuna se verjaarsdag parytjie.......

Tuesday, January 5, 2010

Dit was Asemrowend!

Dit was gisteraand die opening van die Burj Dubai- wat nou bekent staan as die Burj Khalifa.

Soos alles in die UAE was dit iets asemrowends!


Ons wou gaan en dit bywoon, maar toe ons hoor hoeveel mense verwag word, het ons besluit om na dit op die tv te kyk, en dit was net so wow om te sien.

Ek het sommer 'n paar stukkies van die tv af 'getape' om dit met die van julle, wat dit nie op julle tv gesien het nie, te deel. - Dit was net so asem snakkend,-ek moes net gou hierdies tukkies met julle deel. (2 biljoen mense het blykbaar regstreeks daarna gekyk)

Hierdie stukkie hier onder is die UAE se nasionale volkslied.

Die fonteine was gesinkroniseerd vir die volkslied. Terloops die fonteine skiet 150 meter die lug in op, en hulle reken dit is die enigste water orrel met die verskeidenheid van kleure en wat so hoog in die lug op kan spuit.

video

Hieronder spring 'n valskermspringer van die bopunt van die Burj Khalifa af, net om te demonstreer hoe hoog die gebou eintlik is.

Ek sal vir julle se dit is baie indrukwekkend maar man daardie outjies moes hulle spring en ding geken het om so 'n kans te vat....
video


Die finale hoogte van die gebou was 'n geheim tot gisteraand toe, en op die video kan julle sien dit is uiteindelik 828 Meter hoog! Asemrowend mooi en hoog, en by die 300 meter hoer as die naashoogste gebou in die wereld. Ons sal later self gaan kyk, en meer fotos kry, met meer detail oor hoeveel sement, staal ens. gebruik is, want op die 124 ste vloer, maak 'n 'spectator deck' oop, met 'n glas vloer, en ons gaan daarna kyk, as ons braaf genoeg is, bygese.
video



video


Die allermooiste en weereens asemrowende vuurwerk vertoning is gehou, en die klank daarvan kon blykbaar baie ver gehoor word. Wens ons kon alles vir julle wys, maar julle sal 'n idee kry van hoe enorm die beplanning moes wees vir alles om op die regte tyd te gebeur. Om alles te kroon het die ouens wat dit opgestel het het, nie eens ge-oefen met 'n 'voorvertoning' nie, en alle krediete aan hulle vir die 'effort' wat seepglad verloop het.


video

video


Wat dink julle hiervan?

Friday, January 1, 2010


Wanneer ons as vriende op mekaar se skouers staan-is meer dinge vir ons sigbaar!
Wanneer ons rug aan rug staan-is daar minder om te vrees!
Wanneer ons skouer aan skouer staan-is die las ligter.
En wanneer ons saam opkyk, is die prag en Grootheid van God se genade asemrowend!
Voorspoed vir die nuwe jaar en mag 2010 'n wonderlike jaar wees.