Showing posts with label kuier in SA. Show all posts
Showing posts with label kuier in SA. Show all posts

Tuesday, December 22, 2009

Dit is als deel van Karakterbou.

Die dag na die troue, het ons bietjie by vriende in die Kaap gaan kuier, hulle bly in die Strand. Dit was ons eerste keer in daardie deel van die Kaap, maar mense dit is 'n mooi plek, nou weet ek hoekom mense so mal is oor die Kaap, dit is regtig pragtig, al waai die wind die meeste van die tyd daar....
Ons het nie werklik rondgery nie, want ons het gegaan om vir ons vriende te kuier wat ons so lanklaas gesien het, en die dag toe Andre ons so bietjie wou rond ry en rond gaan wys het, het ons ou engelkindjie siek begin voel.
Maar ons sal verseker volgende keer bietjie meer van die mooi gaan kyk.

Een van die redes hoekom ons gaan kuier het is omdat Betsie en Andre 'n nuwe kleinding gekry het, Danielle. En hierdie tannie moes eers bietjie gaan pop speel het.
Ag en ek dink dit is die pragtigste ou dingetjie, so baie haartjies, en sy is so klein, maar laat ek vir julle se sy is so stil mens weet nie eers van haar nie, - behalwe as daar nou natuurlik 'n wind is wat druk.
Laat ek julle se hierdie klein sussie, se 2 groot sussies en klein boet is mal oor haar, en mens kan sommer sien hulle gaan hierdie klein sussie van hulle nog baie bederf, en toe gooi met al die baie liefde!
Ai toggie, en toe ons terug vlieg, raak ons seuntjie op die lughawe siek, met die lelike maag bug wat sommige van julle in SA nou al gehad het. Gelukkig so by die ongeluk, kom dit toe net eers bo uit, en ons gaan deur 3 spur sakke, en 12 vliegtuig sakkies, ( julle weet wat ek bedoel), en ek sien hier voor my oe hoe my seunie verswak en dehidreer, en daar is niks wat ek daaraan kan doen nie, want hulle het niks op die vliegtuig behalwe vir ponado's nie en dit ook net vir volwassenes.... (terloops dit is 'n S.A.L vlug gewees...)
Minute voel soos ure, en die 2 ure vlug voel soos 'n 8 ure vlug na die UAE toe. Uiteindelik is ons naby, maar oe wee - daar breek 'n storm uit en ons vlieg die storm gemoed, en nadat ons baie turbulensies gehad het, se die kaptein, mense ek gaan net een keer probeer land, en as dit onsuksesvol is moet ons Durban toe vlieg vir brandstof, en daar bars my traan sakkies en ek huil soos 'n baba- nie oor die storm nie, maar oor my baba wat nie lekker is nie. Dit is nou nadat ons verskeie kere in "holding patterns" geplaas is, en ons verskeie kere nie by die aanloopbaan kon uitkom nie, weens die storm. Ek besluit toe om baie hard te bid, en Prys die Here, hulle kry 'n gat in die storm soos hulle dit noem en ons kon toe land....Ek moet se dit was 'n uiters goeie landing, gegewe die omstandighede, so wel gedaan aan die vlieeniers.
Ai dit was baie aaklig, maar dankie tog ons kon by 'n apteek uitkom en goed kry wat ons seuna ophelp, en 'n lekker rus by ouma se huis.
Die volgende dag is boeta op en aan die gang, nie heeltemal wat hy moet wees nie maar hyt darm weer krag vir speel, en glo my dit kan hy goed doen met sy oupa.
Terwyl hulle so lekker gespeel het het mamma en pappa siek en plat in die bed gele met dieselfde gogga, maar die ergste was net vir 'n dag lank of so het ons aangeneem.
Ons het ons kers ete met 'n dag uitgestel omdat ons so goor was en glad nie kos se reuk kon verdra nie. En die volgende dag toe reel ons die kers ete want toe kon die kinders nie meer vir kersvader wag nie.
Ek moes toe vroeg inspring om die eetgoed te maak, want ma kon nie help nie want toe was dit haar beurt om siek te wees, en natuurlik Jay ook.
So die gevolg was dat my pa en my man maar moes inspring en my help met die maak van die kossies, en Rita en Andre het die vleis gaar gemaak want toe besluit die oond hy is ook af en siek en wil nie verder werk nie....
Maar ons het 'n sukses van dit gemaak en almal kon hul magies vol eet.
Na die ete, het kersvader sy verskyning gemaak, en glo my die kindertjies was verby opgewonde, wat lekker is, is dat hulle almal nou op 'n ouderdom is dat hulle nie meer bang is vir die man in die rooi klere nie.
Ou Wynand was sommer ons man van die uur.
En hy was te oulik met die kleingoed.
Toe is dit geskenkie tyd.
Daar is niks so mooi soos 'n kind met afwagting in hul gesiggies nie.

Selfs Zante het haar eerste geskenkie by kersvader gekry.
(nogal van Abu-Dhabi af as ek mag byvoeg :-)

En na die geskenke uitdeel was daar tyd vir 'n drukkie of 2, selfs Rita het 'n ou stywe druk van kersvader (haar boetie) gekry.

Nou hierdie moet eintlik 'n gesensorde kiekkie wees, maar met toestemming van die man homself het ek hom geplaas, Kersvader se broek het geskeur... en dit was 'n groot grap vir die mammas en pappas wat dit gesien het.
(Gelukkig is sy 'undies' skoon en nie vol gaatjies nie-lol!!)


Na al die lekker lag het ons lekker gekuier en die kindertjies het lekker met hul nuwe goedjies gespeel.

Ag siestog, tot ons fotograaf was buite aksie, maar hyt darm so nou en dan uit sy kwarentyn kamertjie uitgekom om 'n foto of 2 te kom neem

En hier was die siekeboeg, mamsie was so pap, maar gelukkig het kersvader ook vir haar ietsie gebring.

En die volgende dag toe ons ons oe oop maak, toe is my seuntjie weer siek, Ons besluit om hom dokter toe te vat, die dokter gee toe vir ons baie goor nuus en se dat seuna heeltemal gedehidreer is, en dat hy 'n drup moet kry, ons se toe dat ons die volgende dag moet vlieg.
Ai tog, en so gebeur dit toe dat ons in die hospitaal oornag.
Om alles te kroon, moes ons 12 uur op die volgende dag op die lughawe wees en seuna was eers 10:30 ontslaan.
Maar ons was betyds, vir ons vlug en die dokter het vir ons goedjies gegee wat ons deur die vlug kon dra, en dat dit nie soos die vorige vlug moet wees nie.
Dankie tog daarvoor!!
Ons is gelukkig nou veilig tuis, Boeta nog nie lekker en gesond nie, maar glo dat hy gou beter gaan voel.
Ek moet se, dit mag klink asof ons 'n baie goor kuiertyd gehad het, en ja dit is nie lekker om kuiertyd in die hospitaal deur te bring nie, maar ons het wel die res van die kueir baie geniet.
( jammer vir die nuwe "word verification" by die comment's, maar ek het bietjie spam gekry en wil dit probeer stopsit. So jammer vir die ongerief as julle comment)

Monday, September 7, 2009

Reguit van Bella Bella na Buffies toe.


Na ons lekker kuiertjie by Klein Kariba het ons na Buffelspoort toe gegaan, vir nog 'n week van lekker kuier en swem.

Toe ons by ons rondawel aankom, wag hierdie mooie swart kieterkat ons toe in, en verwelkom ons hartlik by ons huisie vir ons kuier.

Ons kleinman het natuurlik gedink dat dit Furby se pappa is, en gelukkig vir ons en hom was meneer kat baie vriendelik, en hy het die liefde van seuna gelief.


Omdat ons nie by ons familie en vriende gaan kuier het nie, het ons vir die wat kon gevra om vir ons by die oord te kom kuier, en so het Wynand vir 2 dae saam met ons by die oord deurgebring. Ons het lekker besigheid gesels en opgevang met dinge wat oral aan die gebeur is.

Rita en Andre sou ook kom kuier het, maar hulle seuntjie het waterpokkies gehad, en toe kon ons nou nie kuier soos beplan nie. Maar ons het darm 'n dag voordat ons terug gevlieg het 'n kort kuiertjie ingepas.


Kyk ons het werklikwaar nie net lekker weer gehad nie, maar ons het net so lekker gebraai. Mens kan mos nou nie kuier sonder 'n lekker vuurtjie wat sommer net na Afrika ruik nie, en dan kan mens nie braai sonder boerewors nie of hoe?




Die manne braai buite terwyl ons 'n slaaitjie of 2 aanmekaar slaan. Dit was nie regtig koud in die aande nie, net bietjie vars. - En daar is min dinge so lekker om so nou en dan 'n warm dingetjie aan te trek.



Die oord het wanneer dit donker geword het, so 'n half romantiese bekoring ingehou, veral met die blou lug en die pienk/pers van die mooi sonsondergange.

Die onderdak swembad was heerlik, en die water was ook heerlik, nie te warm nie en ook nie te koud nie, net lekker,-ons het elke geleentheid wat ons kon swem, gaan swem. Ons was soos visse in die water, en boeta het dit baaaaie geniet.


En so kom alle lekker dinge ook tot 'n end. Dit is nou wel die minder lekker van so lekker kuier, maar ons is dankbaar vir die tydjie wat ons wel saam met ons geliefdes kon spandeer.

Ons het die week en naweek afgesluit met 'n kiekie en daarna het ons by die pragtige Harties omgery terug huistoe.....

Saturday, September 5, 2009

'n Heerlike Naweek

Ons kuiertjie by Klein Kariba hierdie jaar was baie spesiaal.

Ons almal (met ander woorde al 4 my boeties en hul wederhelftes) was daar en kon dinge so reel dat niemand enige ander verpligtinge gehad het nie.(Wow, in die gejaagde lewe van vandag...!!)


En glo my dit was regtig baie lekker gewees om bietjie vir 2 dae net weer te kon opvang en net lekker te kon kuier. Ockie en Melissa het 'n nuwe kleinding ryker geword, en ons kon bietjie met die nuwe pop kennis maak en lekker gespeel.

Ons kleinman het natuurlik baie lekker met sy niggie gespeel en glo my hy het haar nie vir een oomblik gelos nie. Hy het haar op gespeel, en tussen die twee van hulle het hulle ook gesorg dat hulle pappas by 'ryk' geword het van al die plase wat hulle gekoop het. Shame hulle het hulle kniegies omtrent stukkend geval. Maar na 'n vreeslike tranedal het hulle dapper opgestaan en verder gespeel.,-seker gemaak dat hulle goeie benutting van elke sekond en uur kon uitkry.


Die weer was heerlik en ons kon regtig nie kla daaroor nie. Ons het lekker warm in die dag gekry, sonder om nat en taai te voel, en ons kon lekker in die aand met 'n veredons duvet geslaap het.


Almal kon lekker swem en in die water baljaar. Wat baie lekker is van klein kariba is dat hulle 'n warm water swembad onderdak het, en daar kon die kindertjies lekker swem sonder om koud te kry met die koel winters luggie wat soms buite gewaai het.

Die twee was soos vissies in die water en hulle het oupa Ockie en Dine se pappa Ockie lekker moeg gespeel in die swembad.


Selfs ons nuwe poplap Zante het haar beurt in die swembad gehad, sy is oor 'n paar daggies 'n volle 3 maande oud. Maar te cute vir woorde, sy is so bang sy mis iets opwindend. Maar sy is 'n baie gelukkige mensie, want sy het die hele naweek niks gehuil nie.


En hierdie klomp het 'n lekker laatnag swem ingepas nadat ons lekker gebraai het.


En hier speel oom Dewald met die twee karnallies voordat hulle almal die pad huistoe gevat het, ons het nog 'n dag langer gebly en toe na Buffelspoort toe gegaan.


....and we all fall down....

Friday, September 19, 2008

Die lente in Ouma se tuin


Mens kan dit nie dink nie maar daar is al twee weke van ons vakansie verby. Die tyd vlieg mos wanneer mens iets geniet. Ons kuier nog by my mams en geniet elke oomblik daarvan, nie eers te praat van ouma wat haar klein sonstraaltjie heeltyd opvreet nie!

Ouma se tyd verdryf wanneer ons nie hier is nie en nie kuier nie is haar tuin. Sy lewe vir haar blommetjies en plante. Ek hoef seker nie by te voeg dat die water rekening hoog hardloop nie want behalwe vir oupa se vis dam, moet hierdie plante elke dag hul water kry met die nodige liefde en praat- want plante groei as jy met hul praat....


Ek Is nou glad nie 'n plant kenner nie so hierdie is vir my pragtige blomme en 'n magdom van kleur en dit is lekker op die oog en vir die siel.
So ek geniet dit vreeslik baie om net daar te gaan sit en na die voeltjies teluister en die geure in te asem.

Met die lente wat hier is, is so te se als in blom, en hoe pragtig tog nie...



Selfs die vetplante blom. En ek moet se die groen kleur in die tuin is so lekker om in tedrink.