Die Dag het aangebreek

...En toe ons ons ogies oopmaak, toe is al die slapies klaar geslaap.

Dit is die dag wat Oupa en Ouma kom om te kuier.

Maar voordat ons hulle op die lughawe in Dubai kan gaan kry, moet ons eers onsself reg kry vir die tog na Dubai toe. My liefie skryf eksamen in Dubai, so ons besluit toe dat ons saam ry tot by die Mall of the Emirates, en van daar af het ek en boeta 'n taxi geneem tot by die lughawe. Ons sien dat die vlug klaar geland het, en dat ons net betyds is. Ons wag langer as 'n uur, uiteindelik kry ek 'n oproep - dit is my pa - (eerste ding wat deur my kop gaan is wat nou?). My pa vertel my dat hulle een van hulle tasse nie gekry het nie. Na 'n lang storie, vertel hulle ons toe dat 'n hele paar passasiers se bagasie agter gehou is in SA omdat die vliegtuig bietjie vol was, maar hulle belowe dat ons dit die volgende dag 10 uur sal kry.

Uiteindelik sien ons oupa en ouma en die emosies hardloop hoog. Boetie kan nie wag om na hulle toe te hapet nie. Hy is in ouma se arms en hy geniet dit, hy weet nie of hy moet huil, skreeu of lag nie.

Na die groot ontmoeting gaan sit ons by 'n eetplekkie, om gou ietsie vir ontbyt in ons magies te kry, en na dit is dit die lang wag vir liefie om ons op die lughawe te kom kry, nadat hy sy eksamen geskryf het. Die plan was om sommer terwyl ons in Dubai is by 'n mall of 2 aan te gaan. Maar ons was skaars in die kar toe is Ouma in droomland en boeta ook. Ons besluit toe om maar huis toe te gaan.


Nadat ons by die huis gekom het en lekker koffie gedrink het, skep ons toe net bietjie asem en skraap bietjie moed bymekaar vir die hitte, want hierdie Suid Afrikaners ken nie van hierdie hitte nie, maar hulle wil beslis 'n bietjie hul voete in die see gaan sit.

Ons stop toe gou by 'n strandjie oppad na die stad toe, en die voetjies word gou genat, gou-gou word Ouma begroet met 'n see krappie. Hy knyp haar tone dat sy skoon op die water begin loop. Ons kon dit nie glo nie, want ons het nog nie 'n krappie so groot soos die een gekry wat mens so seer kan knyp nie en toe ons mooi kyk toe is daar sommer 'n magdom van hulle.

Wel dit was om die minste te se prettig ,en snaaks!

Nadat ons bietjie vir ons self gelag en die sand van ons voete afgeskud het, het ons die tradisionele Swarma's gaan koop(liefie gee dit altyd vir mense wat die eerste keer hier kom kuier,en mens kry sommer 'n gevoel van die stad se bloedvloei duer na die restaurant te ry in middel van die corniche).Ons gaan eet dit toe sommer dit by die hawe, terwyl ons die son sien sak oor die besige stad. Daar is niks so rustig en so lekker om mens se dag af te sluit as om langs die water sit en die uitsig te geniet nie.

Dit was 'n lekker eerste dag van ons kuier en ons sien uit na die res van die tyd,

Oupa Ockie en Oma Adri, -

Hierdie sonstraaltjie gaan vir julle opkuier weet dit maar net.

'n Lekker braai.

Ons het besluit om bietjie te gaan braai in 'n parkie in die stad. Gelukkig het ons, ons eie klein gas braaitjie saamgevat, want die wat wel daar in die park is vir braai , was reeds beset, maar dit het ons gepas, want die liefie soek gereeld 'n rede om op sy eie braaitjie te braai.

Ons het vir ons heerlike boerewors by die Suid-Afrikaanse slaghuis gaan koop, met lekker vars brood rolletjies.

Dit was eintlik so 'n luilekker middag dat selfs die ou mossies vir hulle 'n gaatjie in die koelte weg van die son gesoek het en heerlik gerus het.


En terwyl ons groot mense net bietjie wil rus en so min as moontlik doen, het hierdie kleinman van ons oneindigende energie, en dit is 'n gehardloop van die een ding na 'n ander, en net so nou en dan kom maak hy 'n draai en se hy het petrol nodig vir krag en vir sy keel wat so dors is...

Ons klim op in die toringtjie om die stad en park van bo af te besigtig, dit is nogal mooi, -ek is nou nie iemand vir hoogtes nie, maar dit is net anders om dinge van so 'n hoogtetjie te bekyk. En die park met die groen grassies, is gesond vir die oog, en doen mens se gemoed sommer goed en lekker.

En aan die einde van die kuiertjie in die park is daar niks so mooi soos die son wat ook in die weste sak met sy rooi gloed, wat vir oulaas die "brake water" groet.

Strand toe met 'n Vriend.

Dit is nou weer daardie tyd van die jaar, - somer-.

Omdat dit so baie warm is en ons drie maar baie versigtig is vir die son en sy gevaarlike strale, gaan ons maar eers na 5 uur se kant strand toe. Dit is nog baie warm, maar die sterkte van die son is heelwat vlouer. Ek moet ook se mens gaan nie strand toe om af te koel nie, want die water is so warm soos lou water. Dit is heerlik, en as jy uitklim, maak die warm windjie wat dan oor mens se nat lyf waai, jou ook glad nie koud kry nie.

Hierdie tyd van die dag is ook die tyd wat die meeste mense hul wetsuits aantrek vir die watersport's, want die "brake water" is juis daardie tyd vol van almal wat 'n jetskie, catamaran en seilbootjie het.

Ons het 'n vriend saam gebring strand toe,- Juan is een van Manlief se werks vriende wat nog uit ons Durban dae kom. Juan is nog nuut hier rond, sy kosbares is in Suid Afrika, en hy verlang homself deurmekaar. Ons nooi hom toe saam strand toe. Nou Juan is gewoont aan Durban se golwe, en ek glo nie hy het die brake water strand werklik as 'n see ervaar nie, maar hy maak toe 'n groot ontdekking - hy kan in hierdie see al te lekker dryf.

Ek weet nie hoe dit werk nie, maar manlief kan ook nie in 'n swembad of in 'n

gewone see dryf nie,

(sien hulle het nie genoeg boude en heupe nie-so geen natuurlike tube nie-lol)

Maar in hierdie see kan hulle te lekker le en dryf - en hulle het dit geniet.

Met die son wat in die weste sak blink die water so pragtig met die Marina Mall in die agtergrond, en die 3 manne, insluitend my kleinman met sy vlerkies, lyk soos skadu kolle om en in die rustige waters....

Hulle klim toe so sewe uur uit, want toe begin hierdie mamma se klein man se magie na kossies vra, en behalwe vir die kossies wat sy magie wil he, is daar 'n ander rede ook hoekom hy by die Khalidaya Mall wil gaan eet.
Juan droog af en mms toe gou vir liefie in Kaapstad 'n kiekie van waar hy homself bevind, en die dad's vat ons kosbare kleinman om hulle droog te gaan aantrek.
Ek gebruik toe vir Juan as model om die son wat soos 'n lig op die horison hang, af te neem.

By die mall word daar 'n ietsie vir die lee kol op die magies gekoop. "Die reel van hierdie mall , -oom Juan is..., jy moet eers eet voordat jy die rollercoaster kan ry" - vertel ons kleinman ewe polite.

Daar word soos ouder gewoonte chinees ge-eet en manlief verkoop die idee aan sy tjomma.

Klaar ge-eet ... gaatjies en maagies vol, - en dis nou sulke tyd, reken ons kleinman. En hy trek daar weg - neem die leiding want hierdie pad ken hy te goed, na sy gunsteling plek toe.

Sien, Jata is nog is Suid Afrika en seuna mis hom, as hy hierdie ding doen, maar die wete dat daar iemand nuuts saam hom die ervaring kan deel, maak die verlang bietjie beter...

Natuurlik kan ons nie net huistoe gaan sonder om 'n soet dingetjie te kry nie, en ons stel ons favorite doughnut aan Juan bekend, daar is geen plek wat 'n dougnut so lekker maak soos hierdie Krispy Kreme nie, dit is vars, warm en watertand heerlik. Of hoe Juan?

Ons bus toer op land en see..

Met die wat ons die laaste rukkie saam met Flattie in Dubai rond kuier, het ons op hierdie interessante verskynsel afgekom.

Die hotel waar sy tuisgaan, het 'n klomp inligtings blaaitjies van dinge en toere om te doen in die Dubai omgewing, en toe ons op hierdie een afkom het ons saam besluit dat dit 'n avontuur is wat ons moet probeer....

Dit is nie 'n nuwe ding in die UAE nie, want hulle het dit al van 2005 af.

Die Wonder Bus is 'n bus wat op land en see kan ry.

Ongelooflik om dit te dink maar dit is sowaar so.

Ons maak ons bespreking, deur die hotel, en moet die volgende dag die bus 'n halfuur voor vertrek tyd by die BurJuman centre kry.

Kyk dit was warm, maar ons was gereed vir die avontuur, ons het ons hoedjies op gesit en ons water en koeldrank gepak.

Ons het saam met Flattie en van haar besighiedsvennote , Pierre en Shawn op hierdie unieke bustoer gegaan. Ons was almal so opgewonde en kon nie wag vir die oomblik om aan te breek nie.

Die bus het plastiek vensters so vir die eerste deel van die toer het ons met Aircon gery, en dit was so heerlik, want ons het bietjie vroeer opgedaag en moes buite onder sambrele sit en wag, en glo my ons gesiggies was rooi van die hitte, gelukkig het ons almal sonroom aangehad vir die son se strale.

Nadat ons deur die stad na die creek toe gery het, het ons vir 'n oomblik gestop voordat ons die water ingaan. Toevallig was daar 'n televisie opname vir Kuwait TV, wat 'n dokumenter gemaak het vir hulle toerisme kanaal. So toe moes ons eers stop sodat die kamera man sy toerustig reg kon kry vir die groot splash.

Nou ja, op die boonste foto #1 kan mens sien dat ons besig is om in te ry, En WOW! Splish splash daar splash ons in ~ die 2de foto kan jul sien dat ons reeds in die water is en die 3de en 4de fotos kan mens sien dat ons heerlik in dieselfde bus op die water vaar.

(Die kliener foto is een wat ek van die inligtings blad af geneem het net om te wys hoe lyk dit wanneer mens in die water tref)


Oral langs die creek af is daar Abra water taxie's wat die mense van die een kant van die stad na die ander kant vervoer, dit kos maar net 1 Dirham(R2,50) om so water taxi te ry, maar ek dink dit kan nogal op 'n dag soos hierdie een erg wees om in die hitte op die water so oor en weer te ry. Daar is ook 'n hele klomp dhows(tradisionele houtgemaakte bote) langs die creek af wat restaurante is en dit lyk weer op sy beurt na 'n lekker ervaring.(veral vir 'n romantiese aand of so :-)

Hierdie nuwe geboue gekombineer met die ou geboue is asemrowend.

(Die kliener foto is ook uit die inligtingsblad uit)

Die 1ste foto is ons host. Hy het gesorg vir bietjie pret en lag met sy grapperige aanbieding.

Die 2de een is my liefie wat voel hoe dit voel om in die host se stoel te sit. En die 3de een is Kuwait se Tv span wat 'n onderhoud hou met Flattie.

Na 'n uur in die water en se vaar langs die creek af, is dit tyd om terug te keer, en so ry ons boot-bus uit die water uit reg vir die pad terug na die BurJuman centre toe.

Wat 'n heerlike ervaring!

Terloops Dubai het 2 van hierdie busse, en hulle kos elk 3,5 miljoen Dirharm.(maal met omtrent 2,5 vir rand)
(kliener foto uit die inligtings blad uit)

Voordat ons van die bus af klim moes ons 'n foto neem van die land en see buskaptein.

Natuurlik moes die dag met iets te ete afgesluit word, en ons hop toe sommer in die BurJaman centre in om iets te kry, by die eerste restaurant kry ons 'n heerlike spesiaal,...

die menu bestaan uit,- spinasie sop met broodjies, 'n bees straganof vir 'n hoofgereg met rys, en 'n griekse slaai. Dan enige koek of poeding van jou keuse, saam met 'n koeldrank en 'n koffie of tee om die ete mee af te sluit.

Mmmm en dit was nou vir jou heerlik voorgesit, en ons het ons maagies lekker versadig ge- eet.

Selfs ons kleinman het al sy kossies ge-eet om 'n happie poeding te kon kry, en wie kan nou nie vir so bekkie lief wees nie....