Showing posts with label Dibba. Show all posts
Showing posts with label Dibba. Show all posts

Wednesday, April 1, 2009




-DIE DORPIE DIBBA-




Die dorpie Dibba, is 'n plattelandse dorpie. Die strate is redelik skoon en mens kan sien die mense kyk mooi na hul plekkies, veral in die hoofstrate. Daar is nou gald nie 'n teken van hoe geboue en skyscrapers nie, maar dit hou 'n skoonhied van sy eie in.



Wat vir my baie opvallend was, was die kleur. Die geboue is 'n dieper kleur geverf as die wat ons hier in Abu Dhabi gewoond is, en in hul eenvoud het hulle baie moeite gedoen met die blommetjies langs die straat en dit in mooi potte geplant.



Ek is mal oor die berge in die agtergrond, dit hou vir my so gevoel van grootsheid en krag in, maar tog het dit ook 'n sekere sagthied aan dit. Mens besef net weereens die groothied van ons Skepper, wanneer mens so staan en die werke van Sy Hand aanskou.




Nadat ons so bietjie in die stad rondgery het en bietjie ondersoek ingestel het, het ons die pad na die strand toe gevat. Wat seker so 15 km se ry uit die dorpie is. Soos ons met die seepad gery het, kry mens kort-kort 'n hotel aan die linkerkant en die een wil mooier wees as die ander. Daarvan kon ons egter nie 'n mooi fototjie neem nie, want maak nie saak waar mens in die UAE is nie, platteland of stad, hier moet jy ry om te ry. Dit was al laatmiddig , skemer se kant, toe ons ons eerste stop op die strand maak.



Klein voetjies kan nie vinnig genoeg loop om by die water uit te kom nie! "Links regs links regs kyk hoe flink, reguit see toe, gou-gou-gou."




Ons was so bevoorreg om 'n waterskilpad te sien swem in die golfies , maar die meneer was net te sku vir 'n kiekie. Die strand is maar rotserig en klipperig, maar die see, ruik soos see en die groot golwe wat daar is gee vir jou die gevoel van see en nie net een groot stil meer nie. Die seewater is ook swart so jy kry 'n gevoel van diepte en sommer baie diep, maar mooi was nog nooit lelik nie.


Hierdie was die plek waarin ons oornag het -'Seaside Residence'. Ons het dit op die internet bespreek en daar was nie werklik fotos by nie, so ons het aangeneem dat dit naby die see is, maar dit was beslis nie die geval nie. Dit was in die middel van die dorp en 'n hele ent van die see af, - maar dit was 'n bedjie om in te slaap en 'n dakkie oor ons koppies - want ons is nou verseker nie kampmense nie, (of hoe mams) - Behalwe vir dit het ons heerlik koel geslaap - waar in 'n tent of kamp plek gaan jy beslis moeilik gedoedoes het, met die hitte wat al reeds daardie tyd in die lug was.


Oppad uit na ons volgede bestemming die volgende dag, ry ons verby hierdie geboutjie en toe ek mooi lees toe sien ek dat dit is die hospitaal van Dibba. Onmiddelik sonder om eers aan 'n ander gedagte te dink, dank ek toe ons Vader dat hy my nie daar geplaas het om te bly nie, want dit lyk maar vreeslik kleinerig en mens wil darm weet jy is in goeie hande as die nood dreig. Soos 'n armpie wat breek, en dat daar darm 'n dokter is wat jou darm op die plek onmiddelik sal kan help. (Mens kry die gevoel dat dit so klein is, en dat die dokter na 3uur al by die huis is, haha)




Die groen palms met die berge is waarlik prentjie mooi. Dit bring sommer so onverstaanbare rustighied oor 'n mens.

Ons het 'n hele paar kamele langs die pad gesien, en wat lekker is om na hulle te kyk behalwe dat hulle 'n mooi unieke dier is, is die feit dat hulle goed versorg is, en lekker stewige lyfies het.


Dan die laaste sien van die asemrowende mooi berge.



En so met die verby ry hoor ons net seuna skree daar is die 3 varkies se huisies mamma, 'n strooi huisie en die boetie sin van stokkies, maar die driede boetie bou nog sy baksteen huisie....



Sunday, March 29, 2009





-Ondekkingsreis deur die 7 Emirate-


Met die wat seuna se armpie nou in gips is, kan ons nie veel doen nie want-na 'n speelpark toe kan ons nie want dit bly nie net by 'slide' nie en ons wou na Dreamland toe gegaan het, wat 'n waterpark is, maar ons kan nie met die gips nie. Hoe se jy nou vir 'n 3 jarige seunie dat hy nie mag swem nie? So ons uitgaan is maar bietjie beperk - gelukkig nog net vir 2 weke....


Intussen gaan ek bietjie met julle ons paar daggies wat ons bietjie weggebreek het na die ander Emirate deel.


Dit was in die begin van die maand(Maart). Ons het net na mid dag die pad aangepak na Dibba toe, dit is 'n dorpie in Fujairah.


Die eerste helfte van die pad was soos altyd vol swaar voertuie. Dit is eintlik skoon 'n onaangenaamheid gewees, maar gou-gou het ons onder die swaar verkeer uitgery.


'n Mens voel so klein tussen hierdie groot menere. Dit is baie intimederend.

Natuurlik maak dit nou nie saak watter kant jy deur Dubai ry nie, daar is oral ontwikkeling wat plaasvind.


Uiteindelik kry ons bietjie meer ooptes en woestyn te siene, en as jy mooi kyk sien jy selfs 'n kameel of 3 tussen die duine le en die vlou sonnietjie geniet.
En toe begin ons die swart klip berge van Fujairah sien, natuurlik die gesig van 'n sjeik.Mens kry dit nogal baie, in winkels, op advertensieborde, op die een berg is 'n ander se gesig geverf, hulle is omtrent oral.

En toe die mooi uitsig van oop pad tussen berge - dit het amper gevoel asof ons deur die Abel Erasmus pas in die laeveld ry.

Deur die berge tussen die baie klein dorpies deur is daar 'n paar van hierdie souks,hierdie een was net matte. En daar was die mooistes en mens kon lekker onderhandel vir prys, - ek voel natuurlik net altyd te sleg om so iets te doen want ek voel die mensies het reeds so min...


En toe sommer opblaas speelgoed gemeng met vrugte en groente, weereens ons koop glad nie groente en vrugte van straat markte af nie.


Hier kry jy 'n ietsie van alles so te se, regte intrepeneurs.


Die son trek water en ons het 'n bestemming om by uit te kom, ons weet natuurlik nie wat op ons wag nie want ons het op die internet bespreek, en soos baie dinge hier rond, is dinge nie altyd soos geadverteer nie....


Ons kom uiteindelik by Dibba aan, ons het nie besef dat dit so 'n ent uit Fujairah is nie, seker maklik so 50km, maar ons het ons bestemde dorpie gemaak en ons het sover 'n heel interessante stukkie rit gehad met dit wat ons al alles gesien het en sien sommer baie uit na die res van ons tydjie.

Ons word hartlik verwelkom, met hierdie mooi landscaping van petunias en mooi groen gras.


Dit is huistoe gaan tyd en die paaie lyk glad nie soos dit by ons in Abu-Dhabi lyk nie. Dit is lekker stil en mens kry sommer gou gou parkering waar ookal jy gaan.




En met 'n rustige sons ondergangs is dit tyd om rustig te raak en asem te skep vir die volgende dag se opwinding.



Daarvan vertel en wys ek later.