'n Welverdiende rus na die Comrades

Ons was weereens geseend om weer kuier mense by ons te kon ontvang.

My 2 boeties het kom kuier. Gerhard het 'n breuk gevat na die lang en harde Comrades wat hy gehardloop het van Pietermaritzburg na Durban.

So toe het hy se bene en baie moee lyf hier kom rus, (hy het terloops 45 min voor afsny tyd klaar gemaak, en ons is baie trots op hom want hy het onlangs besluit om dit aan te pak en baie hard geoefen daarvoor). Vir 'n eerste keer is dit wel gedaan ou boet!

Met die hitte wat aangebreuk het, het ons besluit om bietjie na die waterpark in Um Al Quwain te gaan, en bietjie vir die dag in die water te gaan baljaar en 'afkoel' (as jy dit so kan noem).

Gerrie het dit baie geniet, hy is nie regtig 'n water mens nie, maar met hierdie hitte is daar seker min mense wat nie bietjie die water opsoek nie. Alhoewel die water redelik warm is het daar 'n windjie van die see se kant af gewaai wat die dag en die hitte heel aanvaarbaar gemaak het.

Nou Gerrie is nou nie 'n andrenalien jagter soos van my ander boeties nie, hy is meer van 'n digter en rustige filosoof, maar groot was my verbasig toe ek sien dat hy hierdie 'ride' aangepak het, en dit geniet het! Dit lyk na 'n gewone ride, maar wanneer jy aan die onderkant van die tregter uitgespoeg word, draai die water so verwoed -amper soos 'n twister in die ronte, dat jy jou storie en swem goed moet ken om daar uit te kom. En daar doen Gerrie dit.


Daarna was hulle almal op die groot tubes, wat soos 'n river raft is, en ja julle sien reg my klein man doen dit saam met die groot manne, want anders as sy oom is hy nou een van daai wat groei en blom op andrenalien.
Jay my ander boetie hou vas met alles wat hy in hom het, want hy het net noudie dag 'n groot oor operasie gehad, en met dit mag sy oor nie water in kry en nat word nie en natuurlik ook nie baie stampe kry nie- maar hoe kan mens nou so 'n ride nie ry nie, dit is mos nou alles deel van die lekker.
Gelukkig het sy kop droog uitgekom en hy het darm nie teveel geskud nie.

Nadat hulle al die lekker woeste dinge gery het het 'n groot deel van hul energie verbrand het, het hulle saam met my in die groot jacuzzi kom sit en net die res van die dag rustig in die lekker koel water kom geniet. Want hierdie groot swembad/jacuzzi het 'n lekker skadutent vir 'n dak op, en as gevolg daarvan is die water heel koeler as die res van die swembaddens sin, en 'n bonus jy hoef nie in die son te wees nie, en sodoende kan jy lekker swem en jou vel word bietjie gespaar teen die kwaai son.

Natuurlik kan 'n dadda nie teveel rus nie, en gou gou is daar vir hom gevra om saam met seuna te gaan speel in sy deel van die water park. - Hy het dit so geniet,- ek het soms gewonder wanneer daardie energie gaan opraak, maar dit het hom regdeur die dag gehou en het eers in die motor op pad huistoe 'n uiltjie geknip.

Op pad huistoe sien ons die silhoeete van die kamele op die sandduine. Mens moet mooi kyk om hulle raak te sien, met die deinserigheid en humiditeit wat begin instroom van die see se kant af. Dit is ook heel opmerklik dat daar heelwat meer plantegroei in daai deel van die woestyn is as hier by ons in Abu Dhabi, waar daar wraggies omtrent net sand is in die woetstyn gedeelte.

En so het nog 'n kuiertjie verby gevlieg, was lekker om julle hier te kon he!