Klein karieba

Met my kuiertjie by die 'huis' en by my ma, -
het my pa in daardie tydperk na Afghanistan gegaan vir sy werk.

So toe besluit ons, ek, my ma en Jay, dat daar geen rede vir ons is om by die huis te bly nie. Met die in gedagte, beplan ons toe vir ons 'n reis plan....

waarvan Klien Kariba ons eerste stop was.

Gelukkig kon ons op kort kennisgewing darm 'n ou gaatjie kry.

In 'n berghuisie.

Ons het heerlik in hierdie swembad geswem.

Die water tempratuur was lekker, nie te warm nie en glad beslis nie koud nie.

Wat ek natuurlik baie van hou met hierdie swembad wat toe is, is die feit dat daar nie kindertjies is wat spat nie so jou hare kan darm gangbaar bly en met Jay se ore kan hy ook nie dit nat laat word nie, so dit werk vir ons almal want die son kom ook nie eers naby jou vel nie, so Boetie kan homself geniet sonder om seer te brand.

Na die lekker swem het ons eers bietjie buite in die koelte gaan sit om bietjie droog te word.

En terwyl ons dit gedoen het, het ons sommer 'n roomys ge'eet.

Gelukkig was ons net 5 dae daar, en ons het 2x 'n dag geswem.

Ja ek weet dit is een maal teveel vir 'n roomys, maar mens is darm net so nou en dan op vakansie...


Na die middag swem sessie het ons 'n vuurtjie gaan aansteek en op die stoepie gesit en na die natuur en dier-geluide geluister en sommer net enige iets gebrand om daardie lekker bosveld gevoel en reuk te kon inneem. Wat 'n heerlike gevoel om so naby die natuur te wees.

Mamma wil nog eers 'n foto van Jay en ouma neem maar boeta wil eet,- die maag is koning mamma, en die swem en water maak 'n ou seuntjie se magie baie honger!!

Natuurlik is daar ook die menere wat elke oggend kom groet het en natuurlik soos alles in SA werk, iets terug verwag vir hul vriendelikhied!

Wha-ha ha!!

Nou vertel my watter kindertjie sal nou so iets soos hierdie sproeiers kan weerstaan?

Ons boeta het dit vreeslik geniet, en dit was baie prettig vir hom gewees.

Ek moet se die oord kyk baie mooi na hulle tuine en grasperke, en dit is lekker om langs die riviertjie te sit op die lekker groen grassies.

Dan praat hierdie sonsondergang vir homself.

Daar is maar min dinge wat so mooi is soos die son wat onder gaan aan die einde van elke dag wat jy nog gespaar was om te lewe, en asem te haal nie. Net soos die son opkoms van elke splinternuwe dag.

Mag daar vir julle nog baie hiervan wees,

met elke nuwe dag se seeninge,

'n ongelooflike einde tot die volgende dag!

Terug by die huis

Ja ons vakansie is verby.

Mens kan dit amper nie glo nie. Die tyd het so gou verby gegaan maar soms het dit na 'n ewigheid gevoel.

Ons het baie lekker met almal en by almal gekuier en ons was oral vet bederf gewees.

Ek sal oor die volgende week of 3 dit bietjie deel.

Ons het net 'n groot hartseer met die terug keer van ons reis....

en dit is omdat ons vir Jay agter moes laat. Hy kon nie saam huis toe kom nie omdat hy 'n groot oor operasie gehad het, en hy moet eers herstel voordat hy weer die vlieg ding kan aanpak.

'Jata' soos klein seuna hom noem, ons glo dat jy gou gesond sal wees en gou weer by ons kan aansluit. Die huis is leeg sonder jou asem.

.... Ek moet byvoeg dit is heerlik om weer terug by mens se eie huis te wees....

'n Kuiertjie by die Dieretuin.

Glo dit of nie maar ons hou nog steeds vakansie, in die sonnige Suid Afrika.

Ons kuier heerlik met almal en by almal.

Maar glo my, ons verlang terug na die ou land van sand want ons dada is daar en die tyd wil nou maar net nie verby gaan nie....

Ons het bietjie in Pretoria dieretuin gaan kuier vir die dag, want ons ou sonstraaltjie is mos nou haai bevange, as hy nou nie met sy treine speel nie. So toe het ons gedink dat ons in die dieretuin 'n haai gaan sien en vir boeta wys,- maar glo dit of nie, die dag toe ons nou daar was, was meneer haai uit sy tank uit gehaal en kuier hy by Ushaka want die diere tuin maak vir hom 'n nuwe tank of maak sy oue reg.

So ons kon toe nou nie 'n haai sien nie, maar gelukkig was daar baie ander diere wat daarvoor opgemaak het.

Mamma se sonstraaltjie dink hy is oom Steve Irvan van Australia. So vang mens hom mamma! En dan le jy net op hom dan kan hy mos nie byt nie....

Ja seun - net so maar mamma bid maar dat dit nou nie een van jou roepings sal wees nie. Ha-haha!!!

Jay en boeta, by die 2 groot pikkewyne. Hulle 2 was so uitgehonger vir 'n geselsie dat hulle ons waarlik vermaak het met hulle geKrrrrrr geluide,en hulle het lekker in die mis sproei gebaljaar.

Hierdie 3 het behoorlik hul bobejaan streke uitgehaal toe hulle ons sien.

Hulle het mekaar gejaag en baklei, en toe sommer in dieselfde asem mekaar geliefies.

Dan is hierdie prag gesig natuurlik Pta dieretuin se 'trademark'.

Wanneer mens die park in gaan met die groot krimetart boom, aan jou linkerkant en dan die verwelkoming van hierdie mooi flaminke wat soos 'n pienk kombers voor jou le.

Dan is dit so asof jy maar net weet jy is op die regte plek, vir daardie oomblik...

En hier le mevrou tier te heerlik en ontspan, in die vroe lente se middag son.
Terwyl meneer tier soos 'n beer met 'n seertand na haar roep om by haar uit te kom, hulle was geskei elkeen in sy eie hok, of stukkie land.
Natuurlik het oupa olifant sy stofbad geniet, nadat hy sy pensie lekker duk ge-eet het.
Ag en ons was net te laat om te kon sien hoe arend sy kossies geniet het, maar hy was ook tevrede want sy pensie was ook gevoed.
Oupa en Ouma met hul sonstraaltjie, hulle het mekaar geniet en dit was 'n heerlike dag. Natuurlik moes ouma se voete 'n vryf en masering gekry het toe ons by die huis gekom het, want syt ver geloop en sy is eintlik nog besig om te herstel van haar voet operasie, maar reken sy die pyn was die moeite werd.

Oupa het sy "laaitie" net so geniet want daar was nie 'n oomblik wat hy kon rus nie, nie eers met ons piekniek nie.

Dankie vir 'n heerlike uitstappie oupa en ouma.