Sunday, August 1, 2010

Verre Ooste Vakansie

Ons het die wonderlike voorreg gehad om bietjie na Thailand toe te gaan. Dit was 'n wonderlike ervaring. Die mense is baie vriendelik en wil jou net help waar hulle kan. Ons was vir 'n paar dae in Bangkok self en toe vir 'n paar dae op die eiland van Phuket.
Ek gaan so bietjie van ons reis met julle deel, maar ek sal dit ongelukkig in 'n paar blogs moet doen want daar is net te veel om in een blog met julle te deel, en jammer vir die baie fotos, maar dit vertel ook die storie...
Ons het in die Baiyoke Sky hotel in Bangkok gebly. Die hotel is 'n klein stad op sy eie moet ek se.

Die hotel het 7 restaurante te kies en te keur van, dan het hulle 'n baie fancy salon met 'n kliniek, 'n klomp winkeltjies en selfs 'n 7-11 supermarkie, en dan op die 18de vloer het hulle 'n driving range vir golf spelers. Natuurlik moes my 2 manne 'n paar houe in kry het hulle 'swing' oefen. Ha ha ha hulle het dit geniet. Maar natuurlik kon ons nie heel aand daar bly nie want mamma wou ook bietjie gaan rond loop het.

Maar voordat ons die vlooimark strate ingevaar het, het ons na die 80ste vloer van die hotel toe gegaan en na hulle museum gaan loer.

Daar was 'n klomp van hierdie kulturiele gesig maskers, wat natuurlik vir seuna tog te grillerig gelyk het soos hy dit gestel het.

Natuurlik moes dadda en seuna hul oomblik in hul 'eie' Tuk Tuk he om 'n spelietjie of 2 te speel, die Tuk Tuk is een van die algemeenste taxi tjorrietjies wat mens gebruik om sommer in die stad en die klein systraatjies mee rond te ry. Daar is groot motor taxi's wat mens lughawe toe neem en so aan, maar vir die stad gebruik mens sommer die klein moterfiets tjorre...
Mens sien selfs nog hierdie vorm van vervoer daar in die stad, nie so baie soos op die eilande nie. Maar ek kry die outjies jammer wat wel nog met die fietse ry, want hulle is so maer en tingerig, en hulle kan die ou karrietjie nogal laai met mense.
Hierdie was net die foto die moeitewerd, lol!!

Hierdie was ons Tuk Tuk drywer, en hy het vir ons 'n paar van hul tempels gaan wys en 'n paleis. Die dag wat ons gery het om na hul groot buddhas te gaan kyk, was dit juis Buddha dag, en kon ons nie na die goed gaan kyk het nie omdat hulle juis dienste daar gehad het.



Hierdie is 'n deeltjie van die muur, die tempel se hele muur is vol van hierdie tipe kuns beplak.

Hierdie was op 'n pilaar uitgebeeld, ek is baie beindruk met die detail.



Hierdie is deel van die marmer paleis.

'n Kanaal wat deur die paleis se tuin loop.

Die monks mag mens eintlik nie afneem nie maar ons het ons kans gevat.

Hierdie ou tannie het nogal my aandag getrek, sy is al baie oud of kom ons stel dit eerder so diep in haar geleende jare, en sy stoot hierdie swaar karrietjie die hele stad vol, en verkoop, gebraaide wilde eende. Dit lyk eintlik vreeslik as mens die storie van nader bekyk, maar die mense koop dit soos brood en melk....


Hierdie is straat vendors, die hele Bangkok se sypaadjies is vol van hierdie klein 'spoeg en plak' stallietjies, en hulle verkoop alles waaraan mens kan dink. Ons het gedink dat ons dit maar sal waag en 'n ietsie kosserig by een van die mensies te koop, want almal loop en smul aan iets wat hulle by hierdie mense koop, maar toe ek sien dat hulle water gebruik wat by 'n 'aircon' se afloop pyp gebruik om hulle kos mee in te kook ... toe het ons vinnig van plan verander en besluit ons eet net dit wat ons ken en ook net in die hotel en nerens anders nie. lol!!! Hierdie blomme het ons in een van die winkel sentrums gesien, kan julle die R10 noot sien wat ook sy plekkie in hierdie land in hierdie blomme rangskikking het.

Hierdie is die alle bekende MBK mall, dit is 'n groot onderdak vlooimark, en hy bestaan uit 6 verdiepings uit. Dit is baie groot en daar is ongelooflik baie dinge en goete in daardie plek, mens weet nie waar om te los en waar om te vat nie. Dit is regtigwaar 'n belewenis.
En hier is die ry waarin jy wag vir 'n taxi terug na jou hotel toe, en glo my dit kan 'n lang wag wees, want hierdi taxi's is baie kieskeurig, want hulle ry net wie hulle wil en hou niks van kort afstand ritte nie, -maar gelukkig het ons 'n blondekop seuntjie , en hy was vir ons soos 'n goue kaart, want almal wil net naby die blonde kop seuntjie wees en tog net aan sy hare vat.... dit was soms 'n jiggie gedagte maar ekt 'dettol sterile wipes' gehad en kort kort my seuntjie se hande en koppie met die wipes gevee.:-)
Hierdie is ook 'n baie algemene verskynsel met die swembaddens wat so hoog op die geboue gebou word, elke hotel en groot apartment gebou het 'n swembad, en soms wil die een mooier wees as die ander. Terug by die hotel het ons of altans ek myself braaf gehou en saam met die manne na die 86ste vloer gegaan wat in die rondte draai terwyl jy aan die buite kant in die wind na die stad onder jou kyk.... Ek lei erg aan hoogtevrees, en moes op die ou end maar afgaan en vir die mans onder wag, want dit was net een te veel vir my, veral omdat daar nou nog kindertjies was wat daarom ons rondgehardloop het, en die ouers was nerens in sig nie. Oeeee neee ek wil nie eers weer daaraan dink nie.....
Hier is 'n klein stukkie van hoe dit min of meer in die aand lyk .


By die Baiyoke hotel, wys seuna vir ons waar in die middel van die stad van Bangkok ons tuis gaan,-


Terwyl ons vir oulaas, 'n vrugte sappie drink en vir die taxi wag om ons lughawe toe te vat om na Phuket toe te vlieg.
En daarvan vertel en wys ek volgende keer.

Monday, July 5, 2010

Die Einde van 'n hoofstuk.

Net nou die dag het ek geblog oor my kleinman wat vir die eerste keer moes skool toe gaan, nie omdat ek wou nie maar omdat hy moes.
Ons het gedink dat dit vir hom 'n goeie hupstoot op die engelse taal sou gee omdat hy in september skoolpligtend is. Wel dit het hom darm gehelp en hy praat al so mooi engels maar die belangrikste - hy verstaan en dit los ons as ouers met 'n geruste hart wat dit aanbetref.

Hier sit hy by miss Vivian en miss Amy.

Vivian was sy juffrou, en Amy die assistent juffrou. Hulle was nogal baie erg oor die blondekop seuntjie in hulle klas, want aan die begin het hy vir hulle 'n harde tyd gegee. Harde tyd in die sin van, wanneer hulle vir die kinders iets laat doen of opdrag gee, dan was hy voor die ander maatjies klaar en dan kon hy nie so lank wag en stil sit tot almal klaar was nie, en met dit het hy begin rond loop en spring en die tipe dinge wat 'n energieke seuntjie doen, wanneer hy verveeld raak. Tot ek eendag by die skool kom en vir hulle vra hoe dit gaan en hulle se vir my hy is baie 'hyper' -Shoe ek was baie omgekrap, want my kind eet nie goed wat hom 'hyper' moet maak nie. En ek weet dat hy 'n baie "inquisitive" seuntjie is, maar nie 'hyper' nie.

Toe kom ek agter dat die probleem is hy doen sy werk vinnig klaar en dan raak hy verveeld deur te lank te moet wag vir sy maatjies om klaar te maak. Toe reel ek met Vivian om vir hom 2 opdragte te gee in die plek van een, of laat hy net aanhou inkleur of teken terwyl die ander besig is. En Whala!! daar is die 'hyper' probleem opgelos!

Hier is die res van sy klasmaats, ek gaan nie eers probeer om al hulle name te noem nie.
Nou is ons reg vir die volgende hoofstuk in ons klein asempie se lewe.
Hy het plek gekry in die Amerikaanse internationale skool, en hy begin in September sy groot skool loopbaan.
Mamma se hart nog baie seer daaroor want hy hoort nog by my, maar hy is gereed daarvoor, en dit sou een of ander tyd gebeur het. Hier in die UAE moet kinders afhangend van hulle kirrikulum, op 3 of 4 jaar skool toe gaan, bietjie vroeer as wat in party ander lande die geval is.
So al wat ek vir my asempie kan se is ...
Gaan en wees geseend tot eer van God in Jesus Naam!