Wanneer die son sak....

Kyk ons somer is nou hier. Mens kan nie regtig meer te veel dinge buite doen deur die dag nie, want dit is regtig te warm! En as mens nie wil duk kop voel nie, en ook nie graag wil brand in die son nie, bly jy maar weg van buite aktiwiteite af.

So die enigste manier om vars lug in te kry vir die liggaam en siel is maar om van die aktiwiteite te doen as dit donker raak, nou se ek ook nie dat dit dan koeler is nie, nee- sommige aande is dit amper warmer as deur die dag veral met die humiditeit, maar mens kan die kans vat en 'n ietsie doen.
Ons het soos oudergewoonte weer by ons 'krappiestrand' gaan braai.

Ou Flattie het weer kom kuier, saam met 'n vriendin van haar wat ook bietjie wou kom kyk hoe die sandland lyk.

So met 'n lekker boereworsie op die kole het ons onder die maanlig langs die see gebraai en die heerlike briesie wat so nou en dan gewaai het geniet.

Terwyl Flattie en seuna sandkastele bou, het Hannetjie besluit om haar voete bietjie in die water te gaan afkoel, nie dat mens regtig meer kan afkoel in die water nie, wat dit self is al lekker warm,op die oomblik so amper 29 grade, maar sy wou ook maar nie te diep ingegaan het nie want in die aand is die vlak water vol blou krappe, en was sy toe maar heel versigtig vir die knyperige see diertjies...

Die volgende aand het ons so bietjie na die stad toe gegaan en so bietjie daar op die hoofstrand 'n heerlike koel koeldrank gaan drink met 'n ietsie ligs te ete. Maar mens kan sien hierdie ou Flattie is regtig 'flat' van die hitte, en selfs die koeldrank is nie genoeg om haar af te koel nie.

En die laaste aand van die kuier moes ons vir Hannietjie die Burj Khalifa met sy pragtige musiek fontein gaan wys het. Ons moes maar stadig loop met die tannies, want met die lugdruk en die humuditeit was dit vir hulle 'n uitdaging. Halfpad daarnatoe het ons eers 'n russie gevat, want die geswelde voetjies wou nie meer nie, en Flats sit toe bietjie onder hierdie pragtige beligte palmboom.

Hierdie liggies en die pragtig sagte atmosfeer wat hiergeskep word laat mens maar altyd voel asof jy op vakansie is, en maak dat mens sommer vergeet van alles en laat dit jou net met 'n rustige gevoel.

En wanneer die musiek en die waterdans begin, raak selfs 'n klein besige rakkertjie stil om hierdie mooi eers te waardeur.

Dankie Flattie en Hannetjie vir 'n lekker kuiertjie al was dit 'n kort een. Ons het dit baie geniet.

3 Weke vakansie te min en te gou verby!

Dit is nogal moeilik om 3 weke se heerlike kuier wat belaai was met pret, lag en lekker ontspan ennn... meer as 4g se fotos in 'n paar fototjies saam te vat,... maar ek gaan probeer.

My boetie Ockie en sy drie girls het vir ons kom kuier.

Hulle het hier aan gekom met 2 tassies en 1 handbagasie sak. Baie onseker wat om te verwag in hierdie land van sand met sy gemengde nasionaliteite.

Ons het hulle die eerste dag see toe gevat sodat hulle net eers so bietjie oor die "jetlag" en die nuwe omgewing van die sandland kon kom, min het hulle geweet wat regtig nog op hulle wag,-

Die kindertjies het die see en sand vreeslik geniet en wou net nie huis toe gaan nie, nou moet ek byvoeg die groot kinders het dit net so geniet. Zante het die golfies tussen haar mamma se bene geniet, en daarna het sy vir ure lekker in die sagte sandjies gespeel, terwyl Dine haar nefie opgespeel het in die golwe, en wat vir haar so ongelooflik was is dat sy so ver in die see in kon loop en nie eers vlerkies nodig gehad het nie. Behalwe dat die see so lekker vlak is, is daar nie eers 'n groot golf wat haar kan omslaan nie. (ja ons wat nou al 'n rukkie hier bly verlang na lekker groot golwe, maar ons kuier mense het die verandering na geen golwe weer baie geniet).

Hier is so baie plekke wat 'n mens jou kuiermense net eenvoudig moet wys, dat 2 weke ampers te min tyd is. Gelukkig het my manlief 'n paar dae verlof gevat, en kon ons by redelik baie plekkies uitkom.

Een van die lekker plekke waarna toe ons hulle gevat het was Wild Wadi aqua park, dit was 'n eerste keer vir ons ook en ons het die waterpark in Dubai baie geniet.

Tot my groot verbasing wys hierdie 2 Suid Afrikanertjies vir my dat hulle werklik niks 'bang' nie.. Hulle pak die 'Jumeirah Sceirah speed slide' aan.

Die water slide is 33m lank en vat jou met die spoed van 80km per uur daar af.

Ek het gedink dat Ockie met hom sal af gaan maar nie skoonsus Melissa nie, en daar doen sy dit toe... well done sus!

Dan kan mens nie in Abu-Dhabi bly en nie by die Emirates paleis uitkom nie, al is dit net vir die water fontein aan die voorkant van die paleis. Dit is altyd 'n belewenis want dit is regtig baie mooi in die paleis en mens kan eintlik nie dit wat mens met die oog sien op 'n kamera vas le nie.

Toe word daar besluit op 'n desert safari.
Iets wat onsself nog nie gedoen het nie, maar die 2 het gegaan en dit vreeslik baie geniet. Ons het na die kinders gekyk terwyl mamma en pappa op die duine rond baljaar, Melissa het haar arm laat henna en dit het te pragtig gelyk, Ockie het probeer duine ski maar hy se dit lyk makliker as wat dit lyk, volgende keer sal hy dit bemeester. Dan natuurlik is 'n desert safari nie een sonder 'n belly dancer nie. Hulle het die ervaring vreeslik geniet.

Natuurlik het ons deur die gerond rits en ryery tyd gekry of te wel moes maak vir die kindertjies ook, en het hulle elke speelpark wat daar was uitgetoets. Natuurlik het die grood kindertjies ook 'n beurt gekry en baie lekker saam gespeel.

En hier in die clip hieronder word daar gewys hoe die groot kinders dit geniet het.

Hierdie was 'n kiekie wat nie beplan was om in die blog te wees nie, maar ek moet net dat die foto vir homself praat... na die lekker woeste 'ride' moes Melissa haar trouring soek wat van haar vinger afgeval het, gelukkig het sy hom gekry en Ockie moes sy aandete probeer inhou.... :-)

Ons kon nie dat hulle huis toe gaan sonder dat hulle darm die ongelooflike mooi Al Ain berge gesien het nie.

Ons het bo op Jebal Hafeet gaan piekniek, en die sons ondergang van die berg af bekyk. Ook iets wat mens nie in woorde kan beskryf nie. Nadat die son onder gegaan het, het ons onder aan die voet van die berg die green Mobazara gaan roomys eet.

Ons het so lekker gekuier dat die Rassies hulle kuier verleng het, so die 2 weke het toe amper 3 geword, en dit was waarlik 'n kuier om te onthou.

En toe die oomblik van groet, wat natuurlik na so 'n uitmuntende kuier nooit 'n lekker ding is om te doen nie.

Maar so verlaat die 4 Rassies ons met meer bagasie as waarmee hulle hier aangekom het, wat se hulle het die kuier en shop net so geniet soos ons.

Dankie boeta en sussa en julle 2 girls,- dit was 'n woeste lekker kuier.