'n Aand vol opwinding en pret

Ons kleinman het nou die dag verjaar, maar ons het nie 'n groot ding daarvan gemaak nie, omdat ons sy verjaarsdag partytjie in SA gaan hou saam met ouma en oupa, en natuurlik al die niggies en nefies, maar met die spesiale dag kon ons nie net die dag laat verby gegaan het nie. Ons het vir die verjaarsdag outjie gevra waarna toe hy vir die middag wil gaan? Natuurlik was sy antwoord Khalifa Park, die rede hoekom hy die meeste van die park hou is omdat die trein daar is en natuurlik die groot speel park!

Ons het vroeg die oggend vir hom al sy geskenkies wat ons vir hom gekry het in die middel van die sitkamer vloer gepak, en ek het sommer gou cupcakes aanmekaar geslaan en toe die verjaarsdag maatjie opstaan toe is alles vir hom reg.

Jip, hy kon sy klein ogies nie glo nie, en na die groot oomblik verby was het hy ingespring en al sy geskenkies so gou as moontlik oopgeskeer. En nou moet ek byvoeg daar is darm niks so oulik en kosbaar soos 'n klein kindjie wat met groot afwagting en opgewondenheid geskenkies oop maak nie. Natuurlik nadat alles oopgemaak is moes die Dad alles fix, deur batterye in te sit, en die fiets hoed die regte grote te kry, en al die dinge wat klein opgewonde handjies nie kan doen nie. Nadat alles 'gefix' was, was daar gou tyd om 'n cupcake te proe en die lekker af te lek, en toe moes daar op die nuwe yster perd gery word.
Die man op sy nuwe blou fiets. Hy het so gerek dat ons nie meer die vorige een se saal kon hoer maak nie.

Laat middag was ons toe bietjie Khalifa Park toe.

Toe ons daar kom, kry ons toe 'n verassing. Daar is toe 'n groot event aan wat deur die stadsraad gereel is.

Ons is toe net betyds vir die eerste openings program...

Fiefie, is die blou blommetjie se naam, en sy het saam met haar maatjies gedans en spring en alhoewel ons nie kan verstaan wat daar gese word nie, kon ons afly dat hulle 'n ietsie vir die kinders geleer het.

Daarna was dit tyd vir 'n vuur vertoning.

Die mense ken hulle storie moet ek byvoeg.
Daar was 3 girlies, wat met allerhande voorwerpe wat aan die brand gesteek was gedans het, en moet ek byvoeg hulle is so soepel soos ' n hoepel - ha ha ha!!
Nee regtig hulle is baie goed met daardie regte vuur in hulle hande.

Dan saam met die verskillende voorwerpe, en snaakse dinge in hul hande wat vol brandende vlamme is het hulle die mooiste uitrustings aan gehad, en dit alles saam het mekaar baie goed gekomplimenteer.

Toe was daar hierdie man, wat die vuur meters in die lug in spoeg, en in die agter grond die lelikste wat ookal hulle hul self noem gedans ook met vuur in hul hande.

Ek moet se dit is nogal baie indrukwekkend dat hulle op daardie hoe stokkies so rof rond kan beweeg en dit nogal met hoogs vlambare vuur in hul hande.

Daarna het hulle die man'n hok gegee, of wat ookal mens hierdie vierkantige storie kan noem. Dit aan die brand gesteek, en daarmee het hy ook allerhande dinge gedoen deur dit geklim oor sy kop geswaai en allerhande funny dinge.

Hierdie ietermago, met sy baie hande wat nie veel beteken nie, het ook met die snaakste dinge die snaakste toertjies gedoen.

Kyk een ding is verseker hierdie manne en dames ken hulle storie en ek glo ook dat behalwe dit 'n talent mag wees moes hulle nogsteeds baie hard daarvoor geoefen het.

En al wat ek kan se is wel gedaan, want dit was iets besonders om te sien en almal het dit geniet oud en jonk.

Na die vertonig was daar 'n rukkie vir speel! En het hierdie liefste ding van ons homself geniet, hy het behoorlik sy 'g-o' uit gespeel.

Ons was die aand daarna weer, daar om na die ander vertonings te kyk - die wat ons gemis het omdat ons bietjie laat was en nie van die event geweet het nie.

Deel dit later met julle.

'n Lekker braai.

Ons het besluit om bietjie te gaan braai in 'n parkie in die stad. Gelukkig het ons, ons eie klein gas braaitjie saamgevat, want die wat wel daar in die park is vir braai , was reeds beset, maar dit het ons gepas, want die liefie soek gereeld 'n rede om op sy eie braaitjie te braai.

Ons het vir ons heerlike boerewors by die Suid-Afrikaanse slaghuis gaan koop, met lekker vars brood rolletjies.

Dit was eintlik so 'n luilekker middag dat selfs die ou mossies vir hulle 'n gaatjie in die koelte weg van die son gesoek het en heerlik gerus het.


En terwyl ons groot mense net bietjie wil rus en so min as moontlik doen, het hierdie kleinman van ons oneindigende energie, en dit is 'n gehardloop van die een ding na 'n ander, en net so nou en dan kom maak hy 'n draai en se hy het petrol nodig vir krag en vir sy keel wat so dors is...

Ons klim op in die toringtjie om die stad en park van bo af te besigtig, dit is nogal mooi, -ek is nou nie iemand vir hoogtes nie, maar dit is net anders om dinge van so 'n hoogtetjie te bekyk. En die park met die groen grassies, is gesond vir die oog, en doen mens se gemoed sommer goed en lekker.

En aan die einde van die kuiertjie in die park is daar niks so mooi soos die son wat ook in die weste sak met sy rooi gloed, wat vir oulaas die "brake water" groet.

-KHALIFA PARK-

Die dae is nou so heerlik. En met die wat liefie so lekker skof ure werk, kan ons nogal lekker rond rits. Hy werk 4 dae aan en 4 dae af.

Ons het bietjie by Khalifa Park gaan trein ry. Hierdie park lewe natuurlik in die aand, maar ons gaan nie sommer in die aande uit nie, want ons kleinman moet maar in sy roetine bly en dit beteken dat dit 8uur se kant slaaptyd vir hom is.

Die hekke of ingang van die park is vreeslik groot, net soos die park self.

Hier kan ons grootman se beentjies nie vinnig genoeg loop om by homself te bly nie.
Natuurlik is 'n park hier in Abu Dhabi nie 'n park sonder die een of ander fontein nie. En dan is dit nie sommer net 'n ou fontein nie, dit is 'n groot een met baie water!! En ja dit is pragtig en mens wil sommer soms net in die goed spring en laf wees!
Hier is ons kleinman by die trein wat hy nou al die hele week lank 'nag'(wag) om te ry. Hy kan nie wag dat die oom treinman nou in klim dat ons kan ry nie. Ons moet egter so rukkie langer wag as wat 'n kleinman kan sit en wag, sodat hulle die trein stampvol kan maak, en dit vat ekstra langer met hierdie mense want hulle vat lekker kanse, hulle klim op sonder om te betaal, dan moet die kaartjie outjie eers terug hardloop en namens hulle gaan kaartjies koop want wanneer hulle hul sit in geneem het, dan sit hulle om te sit. Daar gaan ons uiteindelik, en almal het na hierdie rit uitgesien, want niemand klim by die stoppe af nie, almal sit en ry net saam en kyk na al die mooi dinge wat daar te siene is. Na dat ons 2 keer omgery het, besluit ons om bietjie in een van die parke te gaan speel. Natuurlik moet die dad alles saam doen. En glo my dit is beslis nie vir hom 'n probleem nie, hy geniet die saam speel net so baie. en mamma geniet die rus bankie met die mooi uitsig van groen gras en blou lug. Die park se tuine en struike word baie mooi onderhou en mens kan sien hulle probeer om dit vir mens 'n lekker ervaring te maak en 'n heerlike ontspanningsplek. In die park self het sy eie klein moskee. Maar hier is die Sheikh Zayed Grand Mosque in die agtergrond van die park. Hierdie Mosque kan 30 000 aanbidders akkommadeer. Daar is 57 koepels aan die buitekant van die muur en aan die hoofgebou. Dan is daar hierdie groen grasperke mat struike wat in allerhande vorms gesny is, die tuinier hier moet regtig sy sny ken.

Nou ja, soos ek genoem het, die fonteine is net so asemrowend en mens wil waarlikwaar net jou skoene uitskop en daar gaan staan en dan moet ek byvoeg dit is nog nie eers somer nie en jou binneste het klaar daardie hinkering na afkoel.

Dan ry ons 'n laaste keer om die park en word ons gebless met die son wat ons begin groet sodat hy more weer kan skyn.